- NYCTOSTRATEGI
- NYCTOSTRATEGIapud Romanos, nocturni erant Magistratus in provinciis, qui armati noctu urbem perlustrabant, publicae quietis gratiâ. Arcadius l. ult. §. 1. ff. de mun. et honore, vocis meminit, Nyctostrategi et pistrinorum Curatores personale munus obeunt. Ita enim legendum, cum in aliis exemplaribus corrupre sit, Nycostrategi. Idem enim Nyctostrategus, qui alias Praefectus Vigilum in urbe dicebatur: ut in Aegypto Straboni Νυκτερινὸς Στρατηγὸς et Constantinopoli Νυκτέπαρχος; quem postea Praetorem Plebis appellatum esse, habemus ex Novella 13. Prat.
Hofmann J. Lexicon universale. 1698.